.............ليله رومانسيه ........

انا والزين وانفاس العطروالهمس والنظره
وضي الشمع وانغام الاغاني والرومانسيه
جمعنا ليل في حضن الغرام وطابت السهره
بعد لوعة فراق وشوق وآهاتٍ شقاويه
لقانا غيروالدنيا فرح ماتحضره عبره
ابد مايحضره إلا سواليفٍ غراميه
تسولف عيني لعينه وصدري ينده لصدره
ترى في داخلي قلبٍ يبي له منك حنيه
تعال ارجوك ياصدر الحبيب وياعسل ثغره
تعال ارجوك ياخدٍ يغار الضي من ضيه
تعال ارجوك ياعنقه ومجدوله وباخصره
تعالوا كلكم مقدر أمّيز ذي عن ذيه
تعانقنا وغذيت الخفوق اللي قضى صبره
وكان الحب عنوان السهر في صحبة ابنيه
لكن الوقت عذبنا يقول الشمس منتظره
لها حق الشروق وليلكم باقي له اشويه
مضى ليل الغرام اللي جمعنا وابتدت حسره
على موعد شروق الشمس نعلنها وداعيه
فمان الله ياريح العطر والهمس والنظره
فمان الله ياليله قضيناها رومانسيه



نديم القصيده