لا تساني عن سبب ضيقه البال

لا تتخيل كل الناس ملآئكه فتنهار
أحلآمك ..
لآنك ستبكي على سذاجتك..
ولتكن فيك طبيعة الماء الذي يحطم الصخره ..
بينما ينساب قطره قطره ..

لاتسأليني عن سبب ضـيقـة البـال
مبطي وأنا ماذقـت طعـم السعـاده
ظروف خلـت حالتي ماهـي بحـال
كافحـت ليمـا مابقـت بـي إراده
بنيت لي في عالـم الصبـر تمثـال
وباد الزمن تمثـال صبـري إبـاده
حاولت أوسع خاطري بلعب الأطفال
وكل ماسليت شوي ضاقـت زيـاده
لو المشاكل حلهـا الدمـع لاسـال
أستغفر الله صـار دمعـي عبـاده
لبكي بكا ضيقه ولوعـه وغربـال
مابكي بكـا خـوفٍ وذل وشـراده
يابنت وديار البدو عشـب ورمـال
ومسرى بليـا شـور كلـه جهـاده
وأنا سريت بـواديٍ فوقـه جبـال
الحر ماشاف الشبـك يـوم صـاده
فيني بــدوي طبعه ورا الخير رحـال
أكثر مقيمه فـوق مركـب شـداده
يشد وينـزل كـل فتـره بمنـزال
وقربه صعب جداً وسهـل أبتعـاده
أن قال فرقا ماتراجـع إليـا قـال
ماتقـدر الدنيـا تكـسـر عـنـاده
فينا الولــد يســــوى ثمانيـن رجـال
فينا الكـرم خلقـه وسنـه وعـاده
وبالعشق أخذت اللي مواصيفها ثقال
في زينها ماهـي بحاجـة شهـاده
حبيبـتـــي مازينـوهــــا بسلـسـال
من زود ماتبـرق تضيـع القـلاده
أسود شعرها لــ لبست فوقه الشال
الشال الأسود ينصدم مـن سـواده
أرجولها خلخال مـن دون خلخـال
خلقتها لفت انظـار ماهـي عمـاده
لو نفترض مرت على شارع الجال
فاض البحـر يشكـي عليهـا وداده
الأرض تهتز حدرها هـز زلـزال
زلزالهـا تعشـق حدوثـه بــــلاده
فيها الحلا عايل عـل كلهـا عـال
أن سولفت بالليـل أنسـى رقـاده
بس المصيبه حظك الشــين لا مـال
إليـا رقـد يابـعـد والله قـعـاده
وأنا مع حظي بعض نـاس عـذال
زادوا علـي مـن النكـاده نكـاده
صحيح أنـــا عايش ولو الحزن طـال
الحمـدلله والشـكـر والشـهـاده
الفضل لله عزنـي بكـل الأحـوال
ماذلنـي بحاجـه تشمـت إعبـاده
مير البلا ضيقات ألـوان وأشكـال
لاجـن خلنـي طريـح الـوسـاده
هذا أنا يـا ناشدتنـي عـن الحـال
من كثر ضيقاتـي نسيـت السعـاده
وسلامتكم

موضوع حلو ومشوق يعطيك الف عافيه تقبل مرووري