هذي القصيده كتبها المبدع بن الذيب وهي بعد انسحابه من شاعر المليوون ..

هذي القصيده كتبها المبدع بن الذيب وهي بعد انسحابه من شاعر المليوون ..
وطبعا القصيده لها رووح والشاعر كان معه هندي يسوق به اسمه ايوب في ابوظبي وشكى له ابن الذيب..
ويقوول :

ياايوب راح الليل تشكـي علـي الحـال= وانا اشكي عليك الحال والحـال مدانـي
لوانك مـن البنغـال وابـوك فالبنغـال =انا وانت فابو ظبـي والرابـط انسانـي
ماكن لي من الاصحاب غير انت والجوال=وانا يحتمي لي كـل يامـي وقحطانـي
وقدرت بالروس المزاريع رؤوس اجبال=وانا الطيب فمدحـه الاحاسيـس تحته دانـي
واغرب مع شيوخ العوامر هل الافعـال=واشرق مع شيـوخ المناصيـر متفانـي
ولو اصيح فالمره تجي والسنيـن هـزال=واعنز على العجمان وامـوت متغانـي
لكني مع كـل القبايـل مجمـل فـال=من مطير لشمر الـى ساحـل عمانـي
ياويلي على المسا ويا ويلي على المقيـال=لكن الظهـر مهمـوم والليـل سهرانـي
قبل ماابتدي شكراًعلى حسـن الاستقبـال=وقبل مانتهـي ودي اسولـف وبلعانـي
يقولون مشيها وتمشي علـى ايـه حـال=علـى جثتـي والاعلـى قبـر جدانـي
ما يمشي على امـر الحكومه ولاتحتـال=قوانينها تقطع صـدى صـدح الاذانـي
ولولا مطمعي فالقـرش ياصبـه الفنجـال=حضوري لبو خالد عـن المـال كفانـي
لكن سمعه الطيب بروق فعرض خيـال=مطرها الى حـول سقـا كـل ظميانـي
والابداع حاله والشعر فكـر واسترسـال=مع خلف متعه تغري انصـات الاذانـي
ياكم ورع من ورعان شبع الجزيره قـال=بانـه مثـل عـوج السنيـن ايتحدانـي
وانا كنـت فاالشعـار والشعـر ولا زال=مثل وضع حزب الله في شعـب لبنانـي
انا وين ما وجهت يقوى بـي الارسـال=ولااعاني من الوزن واوزن مـن يعانـي
ويقول الملك الله يحفظـه مافيـه اشكـال=الى ضيـع الاول والـى ضيـع الثانـي
ابا وصل المرسول له طبعـه المرسـال=لكن خدمـه التوصيـل ماهـي بمجانـي
انا الثوره اللي بعدها صـار الاستقـلال=وانا الانقلاب اللي ضحايـاه الاشجانـي
الى فزت فاز الشعر والهاجـس الهمـال=لكن لا خسراخسر وانـا مانـي بدانـي
ولا اغير اسلوبي ولااستصنـع الاقـوال=انا صنع ربـي مانـي بصنـع يابانـي
وصلنا لابو ظبي الثقيلـه وحـن اثقـال=مثل ما وصل بلقيس هدهد سليماني
ترى جدة المليون ليـره وابـوة اريـال=لكن الاختلاف الكلـي اشكـال والوانـي
وترى قله الادراك رجـل بـدون عيـال=ولاله من الاخوان مـن يشبـه اخوانـي
يااصحابي اللي كـل ليلـه لكـم مـوال=انا اللي انـا اللـي والزمـان ايتحدانـي
ياكم واحد بينـي وبينـه مـن الاميـال=مايحجبه عن عيني وهو وسط شريانـي
وياكم واحد صاير له امن الشموس ظلال=والى غبت عن عينـه دقيقـه تناسانـي
صداقات راس المـال لازاد راس المـال=تزيد وتزايد وان نقـص حسـب ماجانـي
وايلا الحين عدواني تكثر علي الامثـال=وانظف لهـا قلبـي ولا اوسـخ لسانـي
افج النحور ابعـد نظـره وسعـه بـال=علشانهـم جـهـال وانــا علشـانـي
اخاصم وانا رجال وارضى وانا رجـال=وهذا اللي يميزني علـى كـل عدوانـي
امارس معا نفسي غروري بدون اهمـال=بـان التواضـع شـي غالـي وربانـي
عشقت الشموخ الاشموخ العقل والشـال=وكرهـت النظـام الاالنـظـام .........
اذا صار ماني عضـو فالمجتمـع فعـال=ابشعـل فتيـل الحـرب فكـل ميدانـي
اغني مـع البـدو ويحاربنـي الجمـال=ويداعب احاسيس الحضر حزن وجدانـي
لوان تجربه عمري مثل تجربه الاطفـال=ماخليت من تغريبتـي اجمـل احزانـي
وانا بين حلم انـي اخلـد وانـا رحـال=واخلي من اطـوال المسافـات اوطانـي
وابيـع عمـري واتحـرر مـن الاذلال=الى قبر فيه اذنـوب عمـري تحرانـي
عرفت اني افكر خطـا والحيـاه اهبـال=شوفو منطـق التفكيـر لويـن ودانـي
لـوان البقى للافضليـه ماكـان اطـال=لنا الله عمر ابليـس وابليـس شيطانـي
ولو الموت فاالتاريخ محكـور للابطـال=تمنيتـه ايجينـي قـبـل ماايتمنـانـي
لكنه خذ محمد عليه الصلاة وآل=وخذ مسيلمه ومسيلمه كنه نصراني
وانا خايف اعيـش وامـوت دون امـال=ماني خايف اعيـش وامـوت وحدانـي
اعاني من الاجحاف واشكو من الاهمـال=مريضن من الواقع مرض شبه نفسانـي
لكن ياوجودي والتوجد على ايـه حـال=برستيج نستخدمه في بعـض الاحيانـي
مثل وضع شعار العروبه على الاطـلال=على كثرما مااضحكني على كثر ماابكاني

ابوناصر

موضوع حلو ومشوق يعطيك الف عافيه تقبل مرووري