......هات القلم ياللي تجيـــــــد القرايـــــــه ...........

[center]هات القلم ياللي تجيـــــــد القرايـــــــه
واكتب على الصفحه بيانـــــن بتفصيـــــل

للي حذف له هرجتين فـــــي قفايـــــــه
والهرج لـــــه سامــــع وراي وتسجيــل

وللي يبــــــا رايي تبيـــــــع لرايــــــه
يقول برنامـــجك يحـــــــتاج تعديـــــل

قله ترى مانيــــب شاعـــــــر دعايـــــه
ولااخذ على نظــــــم القوافي محاصيل

مالي بترويـــج القصايـــــــد هوايـــه
ولاهدف في كثــــــرة القول والقيل

الا لازادت عــــــــــــلـــــــوم أخصمايه
وكثـرت بصنــــــدوق البريـــد المراسيل

والحذف من دوني وشـــــــي ورايــــه
وغنتبها فـــــوف الجريـــــــد البلابيل

رفعت لي من بين الاعــــــلام رايــــه
وللبيت عمـــدان وللحـــــــرف تحليــل

وضربت مابيـــن العيـــــــون بعصايه
لابان غيـــــــض هل القلوب المغاليل

وليا ركب فوق المحالـــــــه رشايه
يبا يدلـــــــن الجــــمـــــــال الجواديل

والمجتمع يحكــــم علـــــــى مستوايه
لاجاء المجــــال وميـــــــزوه الرياجيل

وفالناس شاياتـــــن وانافــي شايـــــه
ماني عن واجب هل الواجـــب بخيــــل

اقوم بالواجـــــــب بمــــعنـى العنايـــه
واعرف مقام البــدر والجــدي وسهيــل

واعرض عن المعـــرض وراع الوشايــه
ولاني باصـــــــد عن الوجيــه المقابيــل

ولايشتكـــــــي مني رفيقـي خطايــــه
وصديقي اصدق معه لوطــول الطيــــل

مادام واف لــــي يحصــــــل وفايـــــه
رفقه شرف مايعتـــــــريه به عراقيـــل
قومي هل المعروف واهـــل الرعايه
الواجبات اللــــــي عليـــهـــن دواليــل
عتبـــــــان يزبنهـــم كبيـــــر الجنايــه
لامالقى عنـــــــد القبايــــــل مداخيـــل

يوم الحــــــرايب يحكمــــون الرمايــــه
لاجاء المفاهـــم من خشــــوم المفاتيــل

يوم القبايـــل عندهم نجــــــد غايـــــــه
ولاامتداده معتلـــــــج قــــرج الخيــــــل

وسنه نسنــــــه مثل شمــــس المرايـــــه
بهجـــــن مشاويــــح وخيـــل مشاويــــل

اخذوا علــــــى المثناه صـــك الولايـــــه
من محكمه حـــدب السيــــوف المصاقيــل

وصارو لها عن كــل طامــــع حمايــــــه
ومن دونهــا شربـوا رهيـــــب الفناجيـــل [/center

]

موضوع حلو ومشوق يعطيك الف عافيه تقبل مرووري