""""""يحيا العزيز بعزته شامخ"""""""

حيا العزيز بعزته شامخ
الراس "
والا الذليل يموت في
عز ذله '
ومن عاش شاف في دنيته كل الأجناس "
من كل جنس وكل مذهب
ومله '
ومن عاند الدنيا توريه
الأتعاس "
يلقى القهر ويموت في
وسط غله '
راع الوفا ممشاه مع خيرة
الناس "
وراع الردى راع الردى
صاحب له '
ومال الردي في مجلس العز
مجلاس "
اصلا ولا حتى يجيه
ويصله '
بعض الرجال اغلى من كنوز
الألماس "{شرواك}
سيف ليا جات اللوازم
تسله '
له فزعة تضهر ليا صرت
محتاس "
ودرب الوفا ماكل رجل
يدله '
وبعض العرب من تحت الأقدام
ينداس "
وبعض العرب من فوق راسك
محله '
وبعض العرب صداقته دوم
نوماس "
وبعض العرب صداقته
لك مذله '
وبعض العرب لا مات تجزع له
الناس "
وبعض العرب لو مات محدن
فطن له '
لا باس ياقلب يبي المجد
لا باس "
مادام فعل الطيب فينا
جبله '
ماعاد فالدنيا مسرات
واوناس "
عله تقفي عنك وتجيك
عله '
ماكل كيف يسبب لراسك
عماس "
والكيف ماتلقاه في كل
دله '
اعوذ بالرحمن من كل
وسواس "
ومن كل حاسد شال
فالقلب غله '
اخذت لي في شبة العمر
مرواس "
وجربت في الأصحاب من
كل شله '
ولقيت من ممشى الرديين الأفلاس ...
ولا كل رجال يناسبك
دله "
لي في الملا نضره ومبدأ
ومقياس '
ولا اقول اخذت العرف والعلم
كله "
لكن لي قدوه عزيزه
ونبراس '
والجيد اصله للمكارم
يتله "
والبيت يبقى دام مبني على
ساس '
وان كان ماله ساس مادام
ظله "
والأدمي عمره محدد
بالأنفاس '
رحال في دنياه والقبر
حله "

موضوع حلو ومشوق يعطيك الف عافيه تقبل مرووري