عاشق صبيا



 
الرئيسيةاليوميةس .و .جبحـثالأعضاءالمجموعاتالتسجيلدخول
Cool Yellow 
Pointer Glitter

شاطر | 
 

 تدري وش اللي يكسر قلوب الأحباب ؟ حكم القدر لا قال لفراقهم خير

اذهب الى الأسفل 
كاتب الموضوعرسالة
ابوناصر
عضو ذهبي
عضو ذهبي
avatar

عدد المساهمات : 157
تاريخ التسجيل : 05/01/2011
الموقع : احبك موووت

مُساهمةموضوع: تدري وش اللي يكسر قلوب الأحباب ؟ حكم القدر لا قال لفراقهم خير    الأحد فبراير 13, 2011 3:12 pm


آبـد..مآجآ عڷى بآڷي .. تعآمڷني بدۈن شعۈڔ !
تحسب آني ( عڷى گيفڪ ) تبعثڔني ... ۈتجمعني

إذآ آنڪ صدق مآتقدڔ ؟ ۈگنت بهآڷجفآ
مجبۈڔ .؟

( آمآإأنھ ).. ڷٱتعۈدني ۈصآڷڪ .. ثم تقطعني .!
ۈإذآ آني صڔت ( شي عآدي ) ۈمآڷي في حيآتڪ دۈڔ .؟

آنآ آتڔجآڪ عڷمني ۈ گفآيھ ڷيھ تخدعني

صحيح آڷآ معي جمڷھ تڷف بخآطڔي ۈتدۈڔ
ۈڔبي ۈدي آنطقهآ ۈقڷبي مآيطآۈعني

ۈعشآن آڔتآح ..؟ بتگڷم ..
گذآ .. ڷٱ آحم .. ڷٱ دستۈڔ
تجي سمحھ .. تجي عۈجآ .. ( عڷى آڷڷّھ ) يآمڷۈعني

( إذآ حصڷت ڷڪ غيڔي ؟ ۈصڔت بدنيتڪ محشۈڔ .؟ )
تبي آڷفڔقآ .. ۈڷٱ ۈدڪ تۈآجهني ۈ( تۈجعني ) ..؟

دخيڷ آڷڷّھ .. دخيڷ آڷحب
( دخيييييييڷڪ ).. آگشف آڷمستۈڔ

ۈقۈڷ : آبعد عن دڔۈبي ۈڷٱ هۈ شڔط ( تقنعني ) ..

ۈآنآ آۈعدڪ .. مآيبقى بظڷآمڪ من شعآعي .. نۈڔ

آبڔحڷ عن سمآڪ ..
ۈڷٱ آبي حتى .. تۈدعني ..

ۈبگتب فۈق قڷبي
( مآإأت هآڷطيب ۈهۈ مغدۈڔ ) ..
ۈسآعتھآ گنۈز آڷآڔض ۈآڷڷّھ .. مآتڔجعني


مــرررحــبــآآآآ لـكـل الآآعـضـآآء
هذي اول روايه انززلها
كتبت كثير بس هذي اول مره انزل اتمنى تعجبكم وتحوز ع رضاءكم
اتقبل نقدكم قبل مدحكم

هل توقعت بيوم انك سوف تكسر كل مبادي حياتك؟؟؟
هل توقعتي بيوم انك سوف تغيرين مجرى حياتك؟؟؟
هل توقعت ان السر الذي لاطالما اخفيته سوف يظهر؟؟؟

الــــــــــبـــــارررررت الأوووول

بعيد عن المباني العالية والشوراع المزدحمة والناس اللي شغلتهم هموم الحياة وبعدتهم عن بعض
الى مكان حيث البساطة والطبيعة لم الناس اللي لحد
الحين متحفظين بأصالة القدامى وبساطتهم لم الناس
اللي الجار يعتبر جاره اخوه من هناك عاش إبطالنا
ومن هناك راح تبداء قصتهم .........................

كان يسوق السيارة وهو حدة معصب وهو يناظر الاتجاهات : الله يلعن الرائد الحين مالقى ينقلني
لم هذي القرية المنفيه بس انا استاهل الحين انا
وش لقفني وخلني اضرب ولد النقيب بس يستاهل
والله حالها الولد صايع يطلع منها وانا اتعاقب بالنقل
الله يعين ( شاف بقاله قريبة ) خلني اسال راعي هذي البقالة عن الطريق (دخل البقالة كان راح يسال بس سكت او انصدم شاف اربع بنات اول واحدة وكان شكلها الكبيرة فيهم كانت عند الكاشير والثانية اللي كانت اصغر من الاولى ماسكة كتاب وقاعدة تقرا باهتمام والثالثة اللي تقربيا كانت بالثانوي قاعدة على لاب توب ومتحمسه مع المقطع
والرابعة اللي كانت بابتدائي قاعدة تنظر التلفزيون
وتاكل بطاطس كان لحد منصدم من المنظر ومانتبه ان البنات كانت ينظرون له باستغراب
تكلمت الاولى:بغيت شي ؟؟
اشر على نفسه بمعنى انا
ردت عليه : ليش في احد غيرك هنا؟
نظرها باستسخاف : وين راعي البقالة ؟
اشرت على نفسها : قدامك
كان لحد الحين ينظرها بنفس النظرة :تستبلهن انتي؟
لفت على البنت اللي كانت تقرا : اقول رنا تعالي
تفهمي معه تراني مانمت من امس (وبصوت قصيربس مسموع ) مالي خلق اتعامل مع اغبياء
عصب لما سمع وش قالت : هي انتي من الغبي
لفت عليه بكل هدوء : نعم
هو بعصبية : مين الغبي ياغبية
عصبت وقربت منه : اسمع عاد من اليوم وانا
مستحملتك
قرب منها اكثر : نعم وش قالتي
لفت لم خواتها : لا ماهو بس غبي وبعد اصم
حط يده قدام وجها: اسكتي لاتخلني اطلع كل القهر اللي فيني فيك
جات بتكلم بس قطع عليها
جاء يركض واقف قدامها: جوري عادي اضمك
جوري : نــعــم
الولد : ههه امزح بس هذا من زود فرحتي
جوري : وش اللي مفرحك لهذي الدرجة
الولد:عمي وافق اني اتزوج عايشة
جوري : صدق مبروووك سلمان
سلمان : الله يبارك فيك , وهذا ماكان راح يصير
بدون مساعدتك بس ابي اعرف شلون خليته يوافق
بيومين وانا لي اكثر من 3 شهور احاول معه؟
جوري وتبتسم وطلعت غمازتها : هذي اسرار المهنه , على كل حال الف مبروك
البنات من ورائها : مبروك سلمان
سلمان : الله يبارك فيكم ومشكوررة مرة ثانية جوري ولف لم البنات : وانتم بعد مشكورات
جوري واخوتها بصوت واحد : العفوو
سلمان :يلة مع السلامة
جوري و البنات : مع السلامة
هو كان واقف بنيهما وماهو فاهم شي فتح الثلاجة
واخذ علبة ماء وحط فلوس على الطاولة وطلع
وقفت عند جوري وبراءة الأطفال : جوري الحين راح يكون عندنا عرس
جوري نزلت لم مستوى غنى: اية غنى راح يكون عندنا عرس كبير
وقفت وهي متحمسة :وااااو جوري بليز خلنا نروح
دبي بانهاية الأسبوع ونشوف الثياب
رنا : اية جوري كلام رندا صح يلة يمدي
غنى : وانا بعد ابي فستان وابي لونه وردي
جوري : اوكية راح نروح
رندا : جوري وين راح الولد اللي كان واقف هنا؟
جوري لفت : وين راح ؟هذا ماخلصت منه
رنا وهي تهز راسها : الله يخلف على اختي وش ماخلصتي منه اقول شكل قلة النوم اثرت فيك
امشي خلني نروح البيت احسن
طلع من البقاله هو معصب اكثر من قبل " هذي البنت اكيد مجنونة اجل بنت وتشغل بقاله ولا طويلة لسان بعد " (شاف عيال يلعبون كروه ) خلني اسال هذولاء العيال
هو: لو سمحتوا تعرفون وين قرية .....
العيال ينظرون بعض تكلم واحد منهم : وصلت هذي هي
صار يتلفت حوله وشاف بيوت صغيرة وماكان فيه احد ماعاد شوي اطفال يلعبون
نظر العيال مرة ثانية : طيب وين مركز الشرطة
اشر واحد منهم على المكان
نظر المكان اللي اشر علية شاف مبنى صغير دور واحد مايوحى ابدا انه مركز شرطة رجع سال العيال مرة ثانية بشك : متأكدين
العيال وهم يكملون العب : اية
مشى وترك العيال واتجه لم المركز دخل وشاف جندين قاعدين وعندهم قهوة وشاي
نظره واحد من الجنود : بغيت شي اخوي ؟
تكلم بكل كبرياء وغرور: انا الضابط فيصل عبدالرحمن الراسي
واقفوا الجندين بسرعة وأدوا التحية
تكلم الاول اما الثاني قعد يرتب : تفضل ياحضرة الضابط حنا إسفين على الفوضى بس انت مفروض تجي بكرة
فيصل : اية مفروض بس انا قدامت , وين مكتبي ؟
الجندي: تفضل من هنا
دخل غرفة وصار ينظرها ماكان فيها إلا مكتب ودرج ونافذة تطل على الشارع لف لم الجندي
فيصل: وش اسمك ؟
الجندي: عقاب وصديقي علي
فيصل : طيب ياعقاب ابيك تجيب لي الملفات
حقت القضايا اللي عندكم
عقاب : حاضر سيدي
دخل علي مع صينة شاي
علي : تفضل سيدي
فيصل يأشر يحطه على الطاولة : مشكور , الحين جيبوا ملفات لي
عقاب وعلي : حاضر سيدي
جلس على الكرسي وصار ينظر من الشباك
شاف البنات اللي كانوا بقاله يمشون
رندا: جوري
جوري وهي تمشي ببط لأنها دايخه : نعم
رندا: توقعن الولد وش عنده هنا ؟
جوري تنظرها باستغراب : أي ولد ؟
رندا : لامن جد شكل قلة النوم اثرت
عليك الولد اللي جاء البقاله اليوم
جوري وهي تذكر : اها
رنا : مامداك تنسين السالفة ماصار عليها ربع ساعة
جوري : طيب تذكرته وش فيه
رندا: وش اللي مافيه شافتي عيونه الناعسة ولا طوله ولا جسمه (تسوي نفسها بيغمى عليها) عــــذاب
رنا وهي تعدل نظاراتها : صدق الهذي الدرجة يخقق
رندا: اقولك عذاب
جوري: مين ؟؟ الولد اليوم الحمد الله والشكر والله ماعندكن ذوق من وين له الزين
رندا: اقول اسكتي بس والله ان يخقق
رنا : ماهو انتي ماتدرين يارندا لان جوري
ماقدرت تكمل الهاوشه معه ارتفع ضغطها
واكرهتة
جوري: اقول هذا اللي ناقص يرتفع ضغطي عشان واحد مثل هذا اقول امشوا البيت احسن لكن من هذا الكلام الفاضي
رندا ورنا وغنى بصوت واحد : جوري ريكسس
جوري عصبت : ريكسس هاه ( تنزل نعلتها ) اقول تعالن اوريكن الريكسس على اصواله
صار البنات يتلحقون بالشارع لما دخلو من عند لفه
البنات مانتبهوا ان طول الوقت كان فيه احد ينظروهم و يسمع كلامهم كان يشوفهن من نافذة مكتبه وهز راسه على تصرفاتهن : هذولاء البنات من جد مجنونات
عقاب : سيدي
فيصل : نعم
عقاب يرفع الملفات اللي بديه: الملفات
فيصل : ممتاز عطني أيها
عقاب : أي شي ثاني سيدي
فيصل : لا مشكور, اذا بقيت شي نادايتك تفضل
طلع وسكر الباب
فيصل وهو يفتح الملفات خلينا نشوف هذي القرية
وش عندها من مشاكل وصار يتصفح الأوراق



بــــيــــــت الـــبــنــــآآآآآآآآآت
ادخلوا وابتسموا وهم يشوفون ابوهم قاعد بفرشه بالحوش:السلام عليكم
ابوهن ببتسامه واااسسعه:هلا هلا ببنيااتي تعاالن اقعدن تعالن
كلهن اقعدن بدائره حول ابوهن ماعدا جوري ابتسمت وهي تقول:اعذرني انا يبه تعبااانه حدي وبروح اناام تمسون ع خير
الكل:وانتي بخير

اعــــررفـــكــــم ع عــيــلــه ابــوجــوووري
الأب:عبدالله(رجل حنوون ع بناته ويحبهن ومرضه هو اللي قعده بالبيت وصاروا بناتهم يشتغلون وماارزقه الله إلا بهذولاء البنات بس)
إلام:مزنه(مييته من 7 سنوات)
البنت الاولى:جوري(عمرها22 سنه متخرجة من الجامعة ادرة اعمال بنت قويه ولما ماتت امها تحملت مسوؤليه البيت كله رجه وعنيده وتمشي كلمتها على الكل واحلى مافيها غمازاتها)
البنت الثانيه:رنا( 20 سنة تدرس حاسب بنت خجولة ماتحب تتكلم كثير وعكس آختها تماما تحب القراءة ودايم تسوي نفسها فاهمه حتى لو انها ماتعرف عن أيش تتكلم )
البنت الثالث:رندا(18 سنة تمووت على شي اسمه كوره كل شي عندها عادي عندها ماخذة الامور بساطة )
البنت الرابعة والاخيره:غنى(7سنين قدوتها بالحياة جوري ودلوعته خواتها مايرفضون لها طلب)

ابو جوري: شلون الشغل اليوم يايناتي ؟
رنا وهي تصب القهوة لأبوها : كل شي تمام يبة تفضل
ابوجوري وهو ياخذ فنجان القهوة : تسلمين يابنيتي (بصوت حزن وعجز) والله لولا المرض كان
قطعت رنا كلامه
رنا: وش هذا الكلام يبه
رندا وهي تضم ابوه : يبه لاتقول كذا حنا مانحب هذا الكلام
غني وهي تقعد بحضن ابوها : بابا حنا نحب
نقعد بالبقاله عشان هناك فيه حلاو كثييير
رنا : شفت يبه حنا نحب شغل الدكان
رندا وهي لحد الحين ضمه ابوه : اقول شرايك
يابو جوري نقوم نحط الغذاء ونترك هذا الكلام الفاضي
رنا وهي تقف : هذا احسن شي قالته طول اليوم
رندا تقف وتسوي نفسها معصبة : وش قصدك احسن شي ؟؟
رنا وهي تمشي : عادي لانك طول اليوم تتكلمين كلام فاضي
رندا تمشي وراء رنا : انا رندا عبدالله على سن ورمح تتكلم كلام فاضي
رنا وهي تهز راسها بمعنى نعم
رندا وهي تدف رنا : اقول امشي لم المطبخ عشان
اوريك الكلام الفاضي
ابو جوري : اقول انتي وهي روحوا حطوا الغذاء بعدين تهاشوا
رنا ورندا : حاضر
ابوجوري :" الله يحفظكم يابناتي ويستر عليكم "

مـــــــــركــــــــــــــز الشـــــــرطــــــــة
فيصل وهو يكلم بالجوال : حاضر ياقلب فيصل انتي
أمري (دخل عقاب ومعه قهوة فيصل وهو لحد الحين يتكلم ياشر انه ينزل ) آمري امم حاضر
عقاب :" شكله يكلم زوجته "
فيصل : هههه وانا بعد يله مع بامان الله
عقاب : أي اومر ثانية سيدي
فيصل وهو ينظر الاورق: لا
قبل مايطلع عقاب
فيصل : لحظة عقاب
عقاب: حاضر
فيصل : ابي اسالك وين بيت عبدالله الحامد
عقاب : عبدالله الحامد اها قصد ابو جوري
قريب من هنا عند لفه بعدين قدم شوي ثاني بيت
ليش سيدي تسال عنه ؟؟
فيصل وهو يقف : لأني استاجرت منه بيت
عقاب : اية قصدك البيت الصغير
فيصل وهو يمشي : ماعرف إذا كان صغير ولا لا
الولد هو اللي استاجره لي
عقاب : زين والله من اختار ابوجوري رجال
ونعم فيه
فيصل : على خير يله تصبح على خير
عقاب : وانت من اهله " الحين الضابط مستأجر عند ابو جوري ماقول إلا الله يعينه على جوري واخوتها "

خلوني اعر فكم على بطلنا
فيصل : 26 سنة إنسان عصبي ويكره الغلط بس طيب قلب ويرضى بسرعة اهم شي عنده بالدنيا أمه وخواته وأكثر شي حلو فيه عيونه الناعسه
.................................................. .............
بــيــــت الـــــــــبـــــــــنــــاااات
جوري توه قايمه من النوم راحت الحمام – وانتم بكرمه- بعدين صلت ورحت لم غرفة رنا ورندا

غـــرفـــــــة رنا و رندا
رنا كانت قاعدة على لاب وعندها كتب وأورق تصفح فيهم
رندا ماسكة الكتاب وقاعدة تقرا وتحفظ
جوري وهي تقعد على السرير : سلام
رندا ورنا : وعليكم والسلام
رندا: شلون النوم
جوري : يهبل , وش عندكم؟؟
رنا : انا عندي بحث قاعدة احضره
رندا :عندي امتحان بكرة
جوري وهي تقف : طيب وين غنى؟؟
رندا : اكيد تحت تنظر التلفوزين
جوري: اها , اجل خلني انزل سلام
نزلت تحت لقت غنى قاعده بالصاله وتنظر التلفوزين
جوري: غنى
غنى وهي تلف لم جوري
جوري: ذكرتي ولا لا؟
غنى تهز راسها بمعنى لا
جوري: اجل روحي جبي شنطتك وتعالي برا
غنى وهي تقف : حاضر
جوري طلعت بالحوش لقت ابوها قاعد
جوري وهي تبوس راس ابوها : مساء الخير ياحلى أب في الدنيا
ابوجوري: اهلين يابيتي
جوري وهي تصب قهوة : شلونك اليوم يابو جوري
ابو جوري : انا بخير طول مانتن بخير
جوري : تسلم لي يبه
ابو جوري: وين خواتك اختفوا كلهم
جوري: رنا ورندا يذكرون وغنى قالتها تجي عشان
اذكر لها
ابو جوري: اه , زين تذكرت اسمعي يابنتي بعد شوي راح يجي المستأجر الجديد عطيه المفتاح
وشوفي اذا ناقصة شي
جوري : حاضر يبه بس هو وش يشتغل ؟؟
ابوجوري : والله مادري يابنتي انا اللي اعرفه ان اسمه فيصل بس وبعدين اناماقابلته انا قابلت ابوه والرجل طيب واخلاق وان شالله يطلع ولده مثله
جوري: إن شالله
غنى وهي تنزل شنطتها : جوري
جوري : يله تعالي
.................................................. .......
كان يمشي ببط "الحين وين البيت هو قال البيت الأول آو الثاني لا قال الثاني اية صح لثاني هذا هو"
ابوجوري: الجرس يدق اكيد هذا هو خوذي المفتاح
يابنتي
جوري وهي تقف : حاضر
فيصل كان معطي الباب ظهره
جوري من وراء الباب : طيب جايه
جوري فتحت الباب شافته معطي لها ظهره
جوري: " وش فيه هذا معطني ظهرة " , لو سمحت
(لف فيصل وشاف جوري صاروا ينظرون بعض)
فيصل :" اكيد إني غلطان بالبيت " , هذا بيت
عبدالله الحامد
جوري وهي تتكلم بعصبية : وصلت
فيصل : متأكدة
جوري: ايه طبعا متأكدة
فيصل وهو ينظرها نظرة استخفاف : طيب انا المستأجر الجديد
جوري بصدمه وبصوت عالي: نــــــــــــعــــــــــــم
ابو جوري من ورائها : وش فيك ياجوري؟ ليش تصرخين ؟؟
جوري استحت : لالا يبه مافيه شي (نظرت فيصل
امشي معي من هنا
فيصل وهو يمشي وراء جوري " يعني عندها اب
اجل ليش تشتغل بالبقاله "
جوري :هيه أنت
فيصل : نعم
جوري : صار لي ساعة أناديك
فيصل : وش تبين ؟؟
جوري:امسك هذا المفتاح البيت فيه كل
شي كهرباء وماء وإذا ناقص شي او شي خربان قال لنا وراح نصلحه
فيصل وهو ياخذ منها المفتاح : طيب
ودخل وسكر الباب بوجه جوري
جوري وهي تضرب رجلها بالأرض: قليل أدب
على ايش شايف نفسه حتى شكرا او يعطيك العافيه
ماقالها وتقول رندا انه يخقق مالت عليه بس هين
إنا ماكون جوري اذا ماعلمته الأدب
ومشت للبيت وهي تتوعد بافصيل

غــــــرفــــــــــــــة رنا و رندا
دخلت جوري بسرعة لدرجه ان الباب لصق بالجدار
جوري وهي تلهث : تدورن من المستاجر الجديد
رندا ورنا ماتغير وضعهم لانهم متعودين على صراخ جوري
رندا بغير اهتمام : مين ؟؟
جوري: الولد اللي جاء البقاله الصبح
رنا ورندا بوقت واحد: كــــــــذابــــــــه
جوري : قسم
رنا ورندا ينظرون بعض ويركضون لم الشباك
فتحوا الشباك ( هو بلكونة تقربيا )
رنا : ايه والله هو نفس الولد
رندا وهي تحط يدينها على الداربيز : ياحظنا كل يوم راح نصبح بهذا الشي الجميل
.................................................. ..........
خـــــلونـــــي اصف لكم بـــيــــت البـــنـــاااات
هو عبارة عن بيت رئيسي و بيت ضيوف البيت اللي عايشون فيه البنات كبير من دورين بس قديم
إما بيت ضيوف اصغر من البيت الرئيسي
بس شباك غرف البنات تطل على غرف البيت الثاني وشباك غرف البيت ضيوف تطل على حوش البيت الرئيسي كل البيتين موجودين داخل مزرعة كان ابو جوري وزوجتها يفكرون إذا جاء عيال يتزوجون ويعشون معه عشان كذا البيت كبير بس بعد مرض ابو جوري فصل البيتين عن بعض عشان يأجره ويستفد منه
.................................................. .............
جوري عصبت من خواتها وسكرت الشباك
جوري بعصبية : الحين انا موووت من القهر وانتي تقولين هذا الشي الجميل
رنا وهي تعدل نظاراتها : وش اللي يخلك تموتن من القهر ياختي العزيزة
جوري : تخيلي يارنا (تقلد صوت فيصل) انتي متأكدة انا هذا هو البيت ولا لم يقول طيب ويسكر
الباب بوجهي انا جوري يسكر الباب بوجهي
رندا:هههههههههه
جوري تضربها بالوسادة : على ايش تضحكين
حضرتك انا اقول نكتة
رندا: صراحة شكلك وانتي تقلدين صوته نكتة
رنا وهي تحاول ماتضحك : طيب حبيتي جوري وش تبن نسوي
جوري وهي تنظرها بطرف عينها : اقول اول
شي طلعي الضحكة قبل ماتنفجرين
رنا:هههههه
رندا : والحين ياجوري ممكن تقولين وش راح تسوين ؟؟
جوري وهي تضم الوسادة بقهر : مادري خلوني
افكر
دخلت غنى : جوري بابا يقول حطي العشاء وحطي
بعد للرجل الجديد
جوري قفزت من السرير : لقيتها
رندا : وشي؟؟
جوري وهي تضحك ضحكه شريرة : هههي ههي
رندا: رنا
رنا : هاه
رندا: الله يستر جوري تضحك ضحكتها الشريرة
رنا : والله اني كنت حاسه ان اليوم ماراح
يمر على خير
جوري : اقول اسكتي انتي وهي واسمعوا
قربوا من بعض
جوري: اسمعوا راح نسوي ..................
رنا وهي تبعد :لالا جوري اخاف ابوي يدري
رندا: اسكتي ياخوافه والله انها فكرة شي ياجوري
جوري وهي تتكلم بغرو : طبعا ماهو انا صاحبة الفكرة
غنى وهي زعلانة :بس انا مافهمت شي
جوري وهي تضم غنى : اصلا ياغنى انتي اهم شي
بالخطة كله
غني : صدق
جوري: طبعا (تنظر خواتها ) يلله خلونا نبداء
نزلوا البنات لم المطبخ
رندا : جوري كذا يكفي ؟
جوري: لاحطي اكثر
رنا: هي انتي ناوية تقتلين الرجل
جوري : روحي زين ماراح يصير له شي
ابوجوري من الحوش: يله بنات تعالوا
جوري : ثواني يبه (واخذت الصحون وطلعت برا)
البنات ينزلون الصحون العشاء
ابو جوري : يعطيكم العافيه يبناتي بس وين عشاء
الرجل ؟؟
جوري وهي تبتسم بمكر : هذا هو يبه
ابوجوري : زين يعطيك العافية
جوري : الله يعافيك , غني خذويه لم جارنا الجديد
غنى : طيب
بـــــيــــــت الـــضــــــيــــــوف
فيصل وهو يدور بالمطبخ : صدق اني
غبى على طول راحت لم الشغل ونسيت اشتري
شي للبيت (يمسك بطنه) راح اموت من الجوع
ماكلت شي من امس (دق جرس الباب ) غريبة
من يجي هذا الوقت
فيصل يفتح الباب : نعم
غنى : سلام
فيصل وهو ينزل مستواها: وعليكم السلام بغيتي
شي حبيتي ؟؟
غنى وهي تمد الصحون : تفضل
فيصل وهو ياخذها : ايش هذا ؟؟
غنى : العشاء
فيصل : العشاء
غنى وهي تهز راسها : انت ماتسمع صح مسكين
(بصراخ) ايه عــــشــــاء
فيصل وهو يقف : انا ماهو اصم اسمع بس من ارسل هذا الاكل؟؟
غنى : ابوي قال نسوي لك
فيصل : اها , يعطيه العافية
غنى : سلام
فيصل : مع السلامة
دخل البيت : حتى الصغيرة ملقوفة مثل الكبيرة
ماعلينا صراحة هذا الاكل جاء بوقته
غنى رجعت البيت
جوري وهي تقف بسرعة : انا شبعت
ورندا : وانا بعد
رنا : وانا
غنى : وانا بعد
ابوجوري : بسم الله وش فيكن قمتن بوقت واحد
بعدين ياغنى انتي اصلا ماكلتي
البنات بصوت واحد : ماحنا جوعانات
وراحو يركضون داخل
ابوجوري وهو لحد الحين مستغرب : وش
فيهن ؟؟
البنات يتسبقون لم الشباك
جوري : رندا سكرت الدينمو
رندا: ايه
رنا : بنات شوفوا طلع
البنات نزلوا شوي عشان مايشوفهم
جوري : الحين تشوف مين جوري
رنا: اص شوفوا راح ياكل
عـــــــــنـــــد فـــيـــــصـــل
قعد على الكنب : صراحة شكل الاكل يشهي
بسم الله الرحمن الرحيم (بداء ياكل بس وقف بسرعة) اه وش هذا ؟؟ كل هذا فلفل اه حار ابي ماء
(راح يركض المطبخ بس مالقى ماء لان البنات
قفلوا الماء عن البيت) يضرب الدرج : الله يلعنك من
درج لساني راح يحترق وش اسوي (راح يركض لم سيارته عشان يدور ماء) واخيرا علبه ماء (وشرب
بسرعة ) اخيرا رتحت
طبعا طول هذا الوقت البنات كانوا يرقبون فيصل
جوري وهي ماسكة بطنها:هههههههههه
رندا: ههههههه شكله تحفة
رنا وهي تمسح دموعها: اما لم يركض ههههههه
غنى :ههههههه مثل توم وجيري
جوري : بس صدقون هههه كسر خاطري
شوي
رندا: جوري صراحة احب اهنئك على فكرتك
رنا : اية والله انك صادقة ياراند من يفكر
انه يحط بالاكل فلفل بعدين يقطع الماء
جوروهي تقف وتتكلم بغرور: طبعا انا جوري
غنى : انتي اذكى واحدة بالدنيا
جوري: ادري
رندا: اقول عاد بس غرور هذا البنت ماتصدق احد يمدحها
رنا : ايه والله
جوري: اصلا انتم تغرون مني
رندا ورنا وغنى ينظرون بعض
رنا : نغار
رندا: خلنا نعلمك الغرور صدق
امسكوا المخلدات وصار يحلقون جوري
جوري وهي تتخبى وراء ابوها: يبه الحقني
ابو جوري: وش فيك ؟؟؟
جوري: شوف الخبلات
رندا: لا وخبلات بعد تعالي
وصاروا يتلحقون حول بعض وابوهم يضحك على خبالهم " الله يسعدكن يابناتي "
.................................................. ............
في مكان ثاني بعيد عن ابطالنا
طق الباب ودخل بهدوء شافه معطيه ظهره
من دون ماغير وضعه : وش صار؟؟
السكترير بنرة خوف: ااسف ياطويل العمر مالقينا شي
ضرب المكتب بديه وبعصبية : وش قصدك مالقيت شي يعنى وين راح اختفى
السكترير: والله ياطويل العمر دورنا بكل مكان
لحد الحين بنفس العصبية : مايهمني دوروا مره ثانية انا ابي عبدالله الحامد باي طريقة فاهم
السكترير : حاضر
كان صدرة يصعد وينزل من العصبيه نظر المباني والبيوت من النافذه الواسعة وضرب القزاز بديه
" اه وينك ياعبدالله وينك ؟؟؟؟"
.................................................. .............
بــــمـــــركــــــــز الـــــــــشــــرطــــــــة

كان قاعد بمكته وماسك بطنه " اه يابطني كله من الفلفل بس ابي افهم فيه احد يحط كل هذا الفلفل حشى والله ولا هنود "
دخل علي المكتب
علي : سيدي فيك شي؟؟
فيصل تعدل بسرعة : لالا ولاشي وش عندك ؟؟
علي: سلامتك بس فيه اوراق ابيك تشوفها
فيصل: عطني ايها
علي : تفضل, تأمر على شي سيدي؟
فيصل وهو ياشر بديه بمعنى لا

طلع على من مكتب فيصل وراح عند عقاب
علي : عقاب
عقاب : لبيه
علي وهي يقعد : الضابط فيصل
عقاب: وشفيه؟؟
علي: مادري بس شكله تعبان
عقاب: هههههههههه
علي : الحمدالله والشكر وش فيك تضحك اقولك
شكل الرجل مريض وتقوم تضحك
عقاب: هههههه
علي عصب: عقاب فاهمني
عقاب: انا اضحك ههه لان شكل الضابط التقى بجوري واخواتها
علي وهو يستوعب السالفه : بس وش دخل الضابط بجوري؟؟
عقاب: ماهو هو المستأجر الجديد عندهم
علي: قول والله ههههه ياحرام
عقاب : الله يعينه
دخل فيصل : مين الي الله يعنيه ؟؟
وقف عقاب وعلي وبسرعة
عقاب بارتباك : كلنا الله يعينا
فيصل وهو ينظرهم : طيب انت وياه كل واحد على شغله
عقاب وعلي يدقون التحيه وبصوت واحد : حاضر سيدي
بــــــــالـــــــــبــــــقالــــــــــــة
كانت قاعدة تنظم الحسابات دخل بهدوء لدرجة انه ماحست فيه شافها شلون مندمجه " شكلها سرحانه
ليش ماخوفها "يقرب ويضرب الطاوله بديه :السلام
نقزت من الخوف كان شكلها يضحك
فيصل عجز يمسك نفسه من شكلها :هههههههههههه
جوري لحد الحين مفهيه
فيصل:هههه شكلك نكته
جوري انتبهت لفيصل : عسى سنانوك الكسر قول امين
فيصل : هيه انتي لاتدعين
جوري: انا حره وش تبي ؟؟
فيصل : اسمعي ابي اغراض للبيت
جوري: يعني
فيصل: ملعبات خبز بيض كذا
جوري وهي تكتب : اممم اوكيه
فصيل: ايه وبعد الماء عندي بالبيت خربان
جوري وهي تبتسم تذكر شكله امس
فيصل استغرب من ابتسامتها بس ماهتم
فيصل : كم الحساب ؟؟
جوري وهي تعد : لحظة
فيصل : انا مستعجل جهزي الاغراض وراح
ادفع لك اذا جيت (لف وراح يطلع من الباب وقفته جوري )
جوري: اقول وش رايك بطبخنا ان شالله ماكان
حار عليك لان حنا ناس نحبه الحار
فيصل لف عليها ولقى نفس الابتسامه على وجهها
فيصل " شكلها لعبه منها": لا والله كل الاكل مره زين
جوري " كذاب ": اه مادام كذا خلاص اليوم
راح نرسل لك نفس الاكل
فيصل بسرعة: لالالا
جوري: ليش ماتوك تقول ان الاكل اعجبك ؟؟


فيصل بارتباك : ايه اعجبني بس مودي اتعبك
انا خلاص شريت اغراض البيت
جوري وهي ماسكة ضحكتها : خلاص كيفك
فيصل طلع من البقالة وهو يفكر" اكيد انها متعمده
تحط كل هذا الفلفل طيب والله ردها لك ياجوري
.................................................. ............


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تدري وش اللي يكسر قلوب الأحباب ؟ حكم القدر لا قال لفراقهم خير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاشق صبيا :: المنتديات الثقافية والادبية :: روايات-
انتقل الى: